المساعد الشخصي الرقمي

مشاهدة النسخة كاملة : عمل اختبار لفلتر في Stockfetcher

FreeTrader
17-05-08, 04:00 PM
السلام عليكم

هذي طريقه عمل باك تيست backtest لفلتر في موقع ستوك فيتشر
كما طلبه مني احد الاخوان

اولا ندخل على قائمه الفلاتر المخصصه عندي ونختار الفلتر المطلوب عمل اختبار له
للعلم تستطيع عمل اختبار ل15 فلتر في وقت واحد او اقل منها

ثم نختار backtest كما في الصوره

5968


بعدها تظهر صفحه تحدد منها التاريخ المطلوب عمل اختبار فيه ثم يحفظ


5969
FreeTrader
17-05-08, 04:06 PM
بعدها تظهر صفحه الاختبار النهائيه

وممكن تعديل البيانات حسب الرغبه مثل الستوب لوز والبيع وغيرها

في الغالب تترك كما هي




بعد التعديل ان وجد نجري عمليه الاختبار كما في الصوره

5970

ثم تظهر لنا صفحه النتائج احيانا تاخذ وقت وتظهر وان لم تظهر نضغط على backtesting الي فوق وتظهر النتيجه

5971

.....
5972


ان شاء الله اكون وفقت في الشرح السريع وسامحونا على القصور
طالب معرفة
17-05-08, 07:27 PM
بيض الله وجهك ابوبراهيم
وان شاء الله نجرب ونشوف ماقصرت رحم الله والديك
أبو سعيد
18-05-08, 02:47 PM
الله يعطيك العافيه يا بو أبراهيم
c90
18-05-08, 02:56 PM
الله يعطيك العافيه يا بو أبراهيم
خلك شقردي
19-05-08, 08:33 PM
جزيت الخير..
وبارك الله في جهدك يا النوخذة
طالب معرفة
07-06-08, 11:18 AM
اخي ابو ابراهيم
عندي سؤال في الفلتر كما في المرفق
خلنا نقول طلع عندي في الفلتر التالي كما في المربع الأحمر بالناقص وانا شاري بوت فهل هذا يعتبر ربح ام خساره ؟
طالب معرفة
07-06-08, 02:18 PM
متى نقول ان الفتره شورت ؟ يعني اقل من كم يوم ؟
FreeTrader
07-06-08, 02:52 PM
اخي ابو ابراهيم
عندي سؤال في الفلتر كما في المرفق
خلنا نقول طلع عندي في الفلتر التالي كما في المربع الأحمر بالناقص وانا شاري بوت فهل هذا يعتبر ربح ام خساره ؟

يعتمد على نوع البيانات الي حاطها
..
شوف مشاركتي رقم 2 في الصوره

في الاخيار الثاني Approach Type: انا حاط لونق long هذا يعني اختبار الفلتر سيكون لاسهم لونق (الى اعلى ) اذا طلعت النتيجه بالسالب فانا خسران

اذا انت ناوي على الفلتر اختباره للبوت غير الى short واذا ظهرت النتيجه بالاخضر يعني انت ربحان بالشورت

باختصار تاكد من الفلتر الي عندك انت حاط لونق او شورت
اذا انت حاط لونق والنتيجه كما في الصوره فانت تعتبر ربحان
والعكس صحيح

اتمنى يكون واضح شرحي
FreeTrader
07-06-08, 02:53 PM
متى نقول ان الفتره شورت ؟ يعني اقل من كم يوم ؟

مافهمت ؟ بالضبط
طالب معرفة
07-06-08, 09:06 PM
مافهمت ؟ بالضبط

اشكرك بو ابراهيم فهمت معنى الشورت الآن وهو انك تشتري السهم متوقع له النزول بعكس اللونج
لأني سابقآ كنت اظن الشورت مده قصيره واللونج مده طويله
طالب معرفة
07-06-08, 11:02 PM
يعتمد على نوع البيانات الي حاطها
..
شوف مشاركتي رقم 2 في الصوره

في الاخيار الثاني Approach Type: انا حاط لونق long هذا يعني اختبار الفلتر سيكون لاسهم لونق (الى اعلى ) اذا طلعت النتيجه بالسالب فانا خسران

اذا انت ناوي على الفلتر اختباره للبوت غير الى short واذا ظهرت النتيجه بالاخضر يعني انت ربحان بالشورت

باختصار تاكد من الفلتر الي عندك انت حاط لونق او شورت
اذا انت حاط لونق والنتيجه كما في الصوره فانت تعتبر ربحان
والعكس صحيح

اتمنى يكون واضح شرحي

شرحك جدآ واضح بوابراهيم وبارك الله فيك وكثر الله من امثالك
طالب معرفة
07-06-08, 11:21 PM
ابو ابراهيم بعد سؤال
بالنسبه الى الفلتر اللي استعملته انت وطالع عندك roi=134.78%
لو بغيت اعرف هذه الأسهم التى سوى لها الفلتر وطلع النسبه منها في مدة شهر
كيف استطيع ان اطلعها اي رموزها لأعرف من التحليل الفني لماذا بعضها ربح والآخر خسر ؟
هل في امكانيه في الفلتر لذلك ؟
مع جزيل الشكر والأمتنان
FreeTrader
07-06-08, 11:59 PM
ابو ابراهيم بعد سؤال
بالنسبه الى الفلتر اللي استعملته انت وطالع عندك roi=134.78%
لو بغيت اعرف هذه الأسهم التى سوى لها الفلتر وطلع النسبه منها في مدة شهر
كيف استطيع ان اطلعها اي رموزها لأعرف من التحليل الفني لماذا بعضها ربح والآخر خسر ؟
هل في امكانيه في الفلتر لذلك ؟
مع جزيل الشكر والأمتنان

ادخل على الفلتر نفسه (الاسم طبعا ) وارجع الى التاريخ الذي بدأت فيه بالاختبار بس

او يمكن انا مو فاهم سؤالك ؟
طالب معرفة
08-06-08, 12:50 PM
ادخل على الفلتر نفسه (الاسم طبعا ) وارجع الى التاريخ الذي بدأت فيه بالاختبار بس

او يمكن انا مو فاهم سؤالك ؟
الف شكر لك بوابراهيم على التجاوب وتعليم الآخرين
وصدنا الحطه بوابراهيم من التحوس في الفلتر بحيث
تضغط على اسم الفلتر نفسه في باك تست ومن ثم تختار trade من القائمه ويعطيك كل اسماء الشركات التي كانت في الفلتر وبيانات اخرى كثيره
alkaser_sa
01-02-12, 09:09 PM
يعطيك العافية ولو انه الموضوع قديم حييييل :D :p
بس الفترة الاخيرة اهتميت بهالموقع
حبيت اعرف طريقة صناعة فلتر للبحث عن الاسهم التي تتلامس هبوطاً مع متوسط متحرك مثل 50 يوم وارتدت بشمعه واحدة فقط

ماهي الطريقة يا اخوان ؟
FreeTrader
02-02-12, 01:42 AM
يعطيك العافية ولو انه الموضوع قديم حييييل :D :p
بس الفترة الاخيرة اهتميت بهالموقع
حبيت اعرف طريقة صناعة فلتر للبحث عن الاسهم التي تتلامس هبوطاً مع متوسط متحرك مثل 50 يوم وارتدت بشمعه واحدة فقط

ماهي الطريقة يا اخوان ؟

حاضر ياخوي بس ارجع من السفر ذكرني اشرحلك
تقريبا الاسبوع القادم
alkaser_sa
09-02-12, 09:10 AM
توصل بالسلامة ان شاء الله
معليش بنتعبك معانا شوي
وقت ما ترجع ياليت تشرح لنا كمان كيف نظهر الاسهم الي حققت الاهداف مع الاستراتيجية بشكل مفصل
يعني مثلا الاستراتيجية الي انت حاطها
حققت نجاح بنسبة 65% خلال الفترة 10/4/2008 حتى 9/5/2008
وش هي الاسهم بالضبط الي نجحت مع الاستراتيجية
يعني كم عددها ؟ رموزها ؟ اكثرها تحقيقا للربح ؟ ...... الى اخره
هل في امكانية يعني لإظهار مثل هذي التفاصيل لأي فترة محدده ؟
ان شاء الله بس يكون تساؤلي واضح
FreeTrader
09-02-12, 01:59 PM
توصل بالسلامة ان شاء الله
معليش بنتعبك معانا شوي
وقت ما ترجع ياليت تشرح لنا كمان كيف نظهر الاسهم الي حققت الاهداف مع الاستراتيجية بشكل مفصل
يعني مثلا الاستراتيجية الي انت حاطها
حققت نجاح بنسبة 65% خلال الفترة 10/4/2008 حتى 9/5/2008
وش هي الاسهم بالضبط الي نجحت مع الاستراتيجية
يعني كم عددها ؟ رموزها ؟ اكثرها تحقيقا للربح ؟ ...... الى اخره
هل في امكانية يعني لإظهار مثل هذي التفاصيل لأي فترة محدده ؟
ان شاء الله بس يكون تساؤلي واضح

الله يسلمك
وشاكرلك احياء هالموضوع لاني تقريبا نسيته لعدم وجود اهتمام من الناس :)
اولا احب اوضحلك نقطه .. طالما نحن نقول استراتيجيه فهذا يعني انه تاليف خطه او ورشه عمل او مبدأ معين نمشي عليه
يعني ممكن انا وانت نستخدم نفس الفلتر لكن تختلف الاستراتيجيه عن بعض وبالتاكيد راح تختلف اهدافنا متى ووين تتحقق
لكن انا بتكلم عن نفسي وكيف اختار اهدافي لانها بالغالب مو متساويه حسب وضع السهم
ايضا نقطه ثانيه مهمه اخوي في التعامل مع هالنوع
ممكن نسبه ارباح الاستراتيجيه او خلنا نقول الفلتر تزيد مع وضع السوق الايجابي والعكس صحيح
وايضا ممكن بعض الفلاتر تزيد نسبة الارباح مع نزول السوق والعكس صحيح
الي اقصده في كلامي ممكن خلال الشهرين الي طافوو الفلتر يحقق 80% ربح لكن ممكن في الشهرين القادمين يحقق 20 او يمكن خساره
مقصد كلامي لازم تحط نظره او نتائج الفلتر تربطها مع حركه السوق بعدها انت تختار الاستراتيجيه المناسبه لهذا الفلتر متى تختار اسهمه ومتى تبتعد عنه (وهذا الي انا اطبقه )
سالتني وش هي الاسهم بالضبط الي نجحت مع الاستراتيجية؟
مافي اسهم معينه تكون في بالي او حققت نجاح متواصل يعني ممكن سهم ابل الحين نجح معاي ممكن في المره القادمه يفشل
لان لو في اسهم معينه تنجح معي لكان نسبه النجاح 100%

الفلتر يعطيك مميزات كثيره للمشتركين يمكن ما استخدمها كلها لان اغلب دراستي معاه يدويه وتحتاج تعب شوي
راح اتكلم عن الي اعرفه بالتفصيل وبرجع للموضوع من اوله واقراه واشوف النواقص الي ممكن تساعدك

الان حسب الي فهمته منك انت تبي تعرف مثلا كيف تعرف الاسهم الي تكون نازله بشرط تكون فوق المتوسط 50 ولامسته وصار ارتداد بعدها ؟ هل هذا الي تقصده ؟
اذا نعم راح اسويلك فلتر واشرح عليه اذا لا ياريت توضح المطلوب بالضبط
...
عند عمل الفلتر ليس المطلوب مني ان احترم او التزم بجميع الاسهم التي ظهرت بالفلتر لاسباب كثيره ..اهمها انها تكون اسهم بني ستوك او اسهم ذات الفاليوم القليل
فباستطاعتي من خلال الفلتر ان الغي منه هذي الاسهم وارفع من مستوى البحث فيه
مثلا لو عملت فلتر للمتوسط الخمسين حسب الي فهمته منك ممكن راح يطلعلي 100 سهم باليوم او اكثر وهذا ليس عيب لكن متعب
ابدأ بعدها بفلتره الفلتر يعني اخذ الاسهم المميزه فيه واحطها على جنب وادرسها واكتب النقاط المشترك بينهم التي حققت النجاح
واكتب النقاط التي فشل فيها
بعدها ادعم الفلتر بفلتر اخر يختار الايجابيات للاسهم التي حققت النجاح الى ان اصل الى نتيجه لا استطيع من خلالها ان افلتر اكثر لان عدد الاسهم اصبح شبه مختفي

باذن الله بس افهم الي براسك راح نخلي موضوع مستقل لصناعه فلتر حسب اختيارك وندرسه نظري وعملي ومع الشرح بكون مني مع الصور حتى يستفيد الجميع
alkaser_sa
10-02-12, 08:08 PM
الله يعطيك العافية يابو ابراهيم
استفدت كثير من ردك وواضح ماشاء الله انك خبير في هالموقع
بالنسبة لطلبي نفس الي فهمته بالضبط
انا اشتركت قبل كم يوم في الموقع وبصراحة لقيت فيه مميزات حلوه
واكثر شي بصراحة عجبني الـ BACKTEST لأنه يعطيك مرونه كبيره انك تختبر اي استراتيجية معينه في بالك والتعرف على نسبة نجاحها بخيارات كثيرة ومتعددة
من اكبر عيوب الموقع انه ما يعطيك فترة اختبار اكثر من 4 اشهر ( ع الاقل المفروض يخلونها سنة )
ومع انه الموقع يوفر عليك كثير من الوقت في البحث عن الاسهم المرشحه للصعود
الا انه من وجهة نظري لا غنى عن الفلتره والتحليل الكلاسيكي اليدوي
المهم ياغالي انا سويت استراتيجية تعتمد على المتوسطات المتحركة ونسبة نجاحها وصلت 80%
واختباراتي كانت في الفترة الي يكون فيها السوق صاعد لأنه بديهياً مثل ما ذكرت راح تزيد نسبة النجاح لأي استراتيجية لونق اذا كان السوق صاعد
ومثل ما انت شايف نسبة 80% تعتبر نسبة ممتازه للغاية
لكن المشكلة اني يوم نقصت الـ STOP LOSS من 10% الى 5%
ورفعت الـ PROFIT LOSS الى 30%
نزلت نسبة نجاح الاستراتيجية الى 56%
فمادري سبب هذا النزول الكبير في النسبة !
alkaser_sa
10-02-12, 09:54 PM
هذا باك تيست لاستراتيجية كسر مستوى ال 30 يوم (خلال 4 اشهر) بدءاً من قاع السوق حتى تاريخ 3/2/2012
STOP LOSS: 10%
STOP PROFIT: OPEN
وللأسف النتائج كانت غير مشجعة
FreeTrader
11-02-12, 01:05 AM
الله يعافيك ياخوي
انا ماني خبير لكن حبيت هالموقع وبدون مجامله انا حبيت السوق الامريكي من هذا الموقع وهالموقع هو الوحيد الي اشتركت فيه من بدايتي مع السوق اكثر من 5 سنوات ولازال اشتراكه عندي ما انقطع حتى في فترات الراحه يكون الاشتراك موجود لرخص ثمنه وفائده عظيمه
المهم ... انا راح احاول اكتب شرح للفلتر الي طلبته ونضعه بالموع ونعدل عليه حسب الرغبات وممكن تكون فيه اضافات من عندي ياريت تقول اذا في اي تعديل
ما ادري اذا حبيت يكون في موضوع مستقل ام نكتبه هنا؟
بس مو مشكله اذا حبيت يكون في موضوع مستقل اقدر اشيل المشاركات وانقلها حسب الرغبه ... والسوال للجميع المتابعين وحابين يشاركون في الموضوع
FreeTrader
11-02-12, 01:38 AM
اخوي الكاسر المتابعه ستكون في هذا الموضوع
http://scoopchart.com/vb/showthread.php?p=99750#post99750